ಇಂಟೆಕ್ಸ್ ಫಾರ್ಮಿಂಗ್ 2026: ಏಷ್ಯಾದ ಅತಿದೊಡ್ಡ ಮೆಟಲ್ ಫಾರ್ಮಿಂಗ್ ತಂತ್ರಜ್ಞಾನ ಪ್ರದರ್ಶನ ಬೆಂಗಳೂರಿನಲ್ಲಿ ಆಯೋಜನೆ

ಏಷ್ಯಾದ ಅತಿದೊಡ್ಡ ಮೆಟಲ್ ಫಾರ್ಮಿಂಗ್ ಮತ್ತು ಉತ್ಪಾದನಾ ತಂತ್ರಜ್ಞಾನಗಳ ಪ್ರದರ್ಶನ
20 ದೇಶಗಳ 600ಕ್ಕೂ ಹೆಚ್ಚು ಪ್ರದರ್ಶಕರು ಭಾಗಿ
46,000 ಚದರ ಮೀಟರ್ ವಿಸ್ತೀರ್ಣದ 4 ಬೃಹತ್ ಹಾಲ್‌ಗಳಲ್ಲಿ ಈ ಪ್ರದರ್ಶನ ನಡೆಯಲಿದೆ

ಬೆಂಗಳೂರು, 8 ಜನವರಿ 2026: ಭಾರತೀಯ ಯಂತ್ರೋಪಕರಣಗಳ ತಯಾರಕರ ಸಂಘ (ಐಎಂಟಿಎಂಎ) ಇಂಟೆಕ್ಸ್ ಫಾರ್ಮಿಂಗ್ 2026 ಪ್ರದರ್ಶನವನ್ನು ಜನವರಿ 21 ರಿಂದ 25ರವರೆಗೆ ಬೆಂಗಳೂರಿನ ಅಂತಾರಾಷ್ಟ್ರೀಯ ಪ್ರದರ್ಶನ ಕೇಂದ್ರದಲ್ಲಿ (ಬಿಐಇಸಿ) ಆಯೋಜಿಸಿದೆ.

ಇಂಟೆಕ್ಸ್ ಫಾರ್ಮಿಂಗ್ 2026 ರ ಜೊತೆಗೆ ಈ ಕೆಳಗಿನ ಉಪ-ಕಾರ್ಯಕ್ರಮಗಳು ನಡೆಯಲಿವೆ:

ಟೂಲ್‌ಟೆಕ್:ಇಲ್ಲಿ ಯಂತ್ರೋಪಕರಣಗಳ ಬಿಡಿಭಾಗಗಳು, ಮೆಟ್ರಾಲಜಿ ಉತ್ಪನ್ನಗಳು, ಸಿಎಡಿ / ಸಿಎಎಂ ಉಪಕರಣಗಳು ಮತ್ತು ಹೊಸ ತಾಂತ್ರಿಕ ಟ್ರೆಂಡ್ ಗಳ ಬಗ್ಗೆ ಮಾಹಿತಿ ಇರಲಿದೆ.
ಡಿಜಿಟಲ್ ಮ್ಯಾನುಫ್ಯಾಕ್ಚರಿಂಗ್:ಇದರಲ್ಲಿ ಅಡಿಟಿವ್ ಮ್ಯಾನುಫ್ಯಾಕ್ಚರಿಂಗ್ ಮತ್ತು ಇಂಡಸ್ಟ್ರಿ 4.0ನ ಉತ್ಕೃಷ್ಟ ತಾಂತ್ರಿಕ ಪರಿಹಾರೋತ್ಪನ್ನಗಳನ್ನು ಪ್ರದರ್ಶಿಸಲಾಗುತ್ತದೆ.
ವೆಲ್ಡ್ ಎಕ್ಸ್‌ಪೋ: ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ವೆಲ್ಡಿಂಗ್ (ಐಐಡಬ್ಲ್ಯೂ–ಇಂಡಿಯಾ) ಸಹಯೋಗದೊಂದಿಗೆ ಹೊಸ ವೆಲ್ಡಿಂಗ್ ತಂತ್ರಜ್ಞಾನಗಳನ್ನು ಇಲ್ಲಿ ಪ್ರದರ್ಶಿಸಲಾಗುತ್ತದೆ.
ಮೋಲ್ಡೆಕ್ಸ್ ಮತ್ತು ಫಾಸ್ಟೆನೆಕ್ಸ್ ಇಂಡಿಯಾ: ಮೆಸ್ಸೆ ಸ್ಟುಟ್‌ಗಾರ್ಟ್ ಆಯೋಜಿಸಿರುವ ಈ ವಿಭಾಗಗಳು ಮೋಲ್ಡಿಂಗ್ ಮತ್ತು ಫಾಸ್ಟೆನರ್ ತಂತ್ರಜ್ಞಾನಗಳ ಮೇಲೆ ಗಮನ ಕೇಂದ್ರೀಕರಿಸುತ್ತವೆ.

ಇಂಟೆಕ್ಸ್ ಫಾರ್ಮಿಂಗ್ 2026ರ ಇತರ ಪ್ರಮುಖ ಆಕರ್ಷಣೆಗಳು:

ಅಂತಾರಾಷ್ಟ್ರೀಯ ಸೆಮಿನಾರ್: ಜನವರಿ 22-23 ರಂದು ಮೆಟಲ್ ಫಾರ್ಮಿಂಗ್ ತಂತ್ರಜ್ಞಾನದ ಹೊಸ ಟ್ರೆಂಡ್ ಗಳ ಕುರಿತು 9ನೇ ಆವೃತ್ತಿಯ ಸೆಮಿನಾರ್ ನಡೆಯಲಿದೆ.
ಐ2 ಅಕಾಡೆಮಿಯಾ ಸ್ಕ್ವೇರ್: ಸಂಶೋಧನಾ ಸಂಸ್ಥೆಗಳು ತಮ್ಮ ಹೊಸ ಸಂಶೋಧನೆಗಳನ್ನು (ಆ&ಡಿ) ಉದ್ಯಮದ ಮುಖಂಡರಿಗೆ ಪ್ರಸ್ತುತಪಡಿಸಲು ಇದೊಂದು ವೇದಿಕೆ.
ಜಾಗೃತಿ: ಯುವ ವೃತ್ತಿಪರರಲ್ಲಿ ಉತ್ಪಾದನಾ ಕ್ಷೇತ್ರದ ಸುಧಾರಿತ ಬೆಳವಣಿಗೆಗಳ ಬಗ್ಗೆ ಅರಿವು ಮೂಡಿಸುವ ಯುವ ಕಾರ್ಯಕ್ರಮ.

ಮುಂಬರುವ ಈ ಆವೃತ್ತಿಯಲ್ಲಿ ಜರ್ಮನಿ, ಇಟಲಿ, ಜಪಾನ್ ಮತ್ತು ತೈವಾನ್ ದೇಶಗಳ ಪ್ರದರ್ಶಕ ಗುಂಪುಗಳು ಭಾಗವಹಿಸಲಿದ್ದು, ಇತ್ತೀಚಿನ ಉತ್ಪಾದನಾ ತಂತ್ರಜ್ಞಾನಗಳು ಮತ್ತು ಆವಿಷ್ಕಾರಗಳನ್ನು ಪ್ರದರ್ಶಿಸಲಿವೆ. ವಾಹನ ಮತ್ತು ಬಿಡಿಭಾಗಗಳು, ಬಾಹ್ಯಾಕಾಶ ಮತ್ತು ರಕ್ಷಣೆ, ವೈದ್ಯಕೀಯ ಉಪಕರಣಗಳು, ಇಂಧನ, ರೈಲ್ವೆ, ನಿರ್ಮಾಣ ಉಪಕರಣಗಳು, ಸಾಮಾನ್ಯ ಮತ್ತು ಹೆವಿ ಎಂಜಿನಿಯರಿಂಗ್, ಬಂಡವಾಳ ಸರಕುಗಳು, ಎಲೆಕ್ಟ್ರಿಕಲ್ ಮತ್ತು ಎಲೆಕ್ಟ್ರಾನಿಕ್ಸ್ ಸೇರಿದಂತೆ ವಿವಿಧ ವಲಯಗಳ ಸಂದರ್ಶಕರು ಈ ಪ್ರದರ್ಶನಕ್ಕೆ ಭೇಟಿ ನೀಡುವ ನಿರೀಕ್ಷೆಯಿದೆ.

ಈ ಕುರಿತು ಐಎಂಟಿಎಂಎ ಅಧ್ಯಕ್ಷರಾದ ಶ್ರೀಮತಿ ಮೋಹಿನಿ ಕೇಳ್ಕರ್ ಅವರು, “ಪ್ರಸ್ತುತ ಭಾರತೀಯ ಯಂತ್ರೋಪಕರಣಗಳ ಮಾರುಕಟ್ಟೆಯಲ್ಲಿ ಮೆಟಲ್ ಫಾರ್ಮಿಂಗ್ ವಿಭಾಗವು 29% ಪಾಲು ಹೊಂದಿದ್ದರೂ, ಮುಂಬರುವ ವರ್ಷಗಳಲ್ಲಿ ಈ ಕ್ಷೇತ್ರವು ಗಣನೀಯವಾಗಿ ಬೆಳೆಯುವ ನಿರೀಕ್ಷೆಯಿದೆ. 2025ರ ಆರ್ಥಿಕ ವರ್ಷದಲ್ಲಿ ಮೆಟಲ್ ಫಾರ್ಮಿಂಗ್ ಯಂತ್ರೋಪಕರಣಗಳ ಬಳಕೆ ₹9,139 ಕೋಟಿಗಳಷ್ಟಿದ್ದರೆ, ಉತ್ಪಾದನೆಯ ಮೌಲ್ಯ ₹2,696 ಕೋಟಿಗಳಾಗಿತ್ತು. ಒಟ್ಟಾರೆಯಾಗಿ, ಮೆಟಲ್ ಫಾರ್ಮಿಂಗ್ ಯಂತ್ರೋಪಕರಣಗಳ ರಫ್ತು ವರ್ಷದಿಂದ ವರ್ಷಕ್ಕೆ ಸುಮಾರು 6% ರಷ್ಟು ಹೆಚ್ಚಾಗಿದೆ. ರಫ್ತಿನಲ್ಲಿ ‘ಪ್ರೆಸ್‘ (Presses) ಯಂತ್ರಗಳು ಮೊದಲ ಸ್ಥಾನದಲ್ಲಿದ್ದರೆ, ನಂತರದ ಸ್ಥಾನಗಳಲ್ಲಿ ಪ್ರೆಸ್ ಬ್ರೇಕ್‌ಗಳು, ಬೆಂಡಿಂಗ್ ಮತ್ತು ಶಿಯರಿಂಗ್ ಯಂತ್ರಗಳಿವೆ” ಎಂದು ತಿಳಿಸಿದರು

ಐಎಂಟಿಎಂಎ ಮಹಾನಿರ್ದೇಶಕ ಮತ್ತು ಸಿಇಒ ಶ್ರೀ ಜಿಬಾಕ್ ದಾಸ್ ಗುಪ್ತಾ ಅವರು, “ಲೇಸರ್ ಮತ್ತು ಲೇಸರ್ ಆಧಾರಿತ ಅಪ್ಲಿಕೇಷನ್ ಗಳು ವಿವಿಧ ಉದ್ಯಮ ವಲಯಗಳಲ್ಲಿ ಹೆಚ್ಚಿನ ಮನ್ನಣೆ ಪಡೆಯುತ್ತಿವೆ. ಹೀಗಾಗಿ ಇಂಟೆಕ್ಸ್ ಫಾರ್ಮಿಂಗ್ ಪ್ರದರ್ಶನದಲ್ಲಿ ಲೇಸರ್ ಆಧಾರಿತ ತಯಾರಕರ ಭಾಗವಹಿಸುವಿಕೆ ಸ್ಥಿರವಾಗಿ ಹೆಚ್ಚುತ್ತಿರುವುದನ್ನು ನಾವು ಕಾಣುತ್ತಿದ್ದೇವೆ. ಪ್ರದರ್ಶಕರು ಫೈಬರ್ ಲೇಸರ್ ಯಂತ್ರಗಳು, ಪ್ರಿಸಿಶನ್ ಲೆವೆಲರ್‌ ಗಳು, ಪಿಕ್- ಅಂಡ್- ಪ್ಲೇಸ್ ಯುನಿಟ್‌ಗಳು, ಸರ್ವೋ ಪ್ರೆಸ್‌ ಗಳು, ಯಂತ್ರ ಉತ್ಪಾದನಾ ಮಾನಿಟರಿಂಗ್ ಸಿಸ್ಟಮ್‌ ಗಳು, ವೆಲ್ಡಿಂಗ್ ಮತ್ತು 3ಡಿ ಪ್ರಿಂಟಿಂಗ್ ಪರಿಹಾರಗಳನ್ನು ಪ್ರದರ್ಶಿಸಲಿದ್ದಾರೆ. ಇಂಟೆಕ್ಸ್ ಫಾರ್ಮಿಂಗ್ 2026 ಸ್ವದೇಶಿ ಉತ್ಪನ್ನಗಳ ತಯಾರಿಕೆ ಮತ್ತು ಅವುಗಳ ರಫ್ತಿಗೆ ಹೆಚ್ಚಿನ ವೇಗ ನೀಡಲಿದೆ” ಎಂದು ಹೇಳಿದರು.

ಐದು ದಿನಗಳ ಕಾಲ ನಡೆಯುವ ಈ ಪ್ರದರ್ಶನವು ಉತ್ಪಾದನಾ ಕ್ಷೇತ್ರದಲ್ಲಿ ಡಿಜಿಟಲ್ ರೂಪಾಂತರ ಮತ್ತು ಹೆಚ್ಚಿನ ಉತ್ಪಾದಕತೆಯ ಉತ್ಪನ್ನಗಳನ್ನು ಅಳವಡಿಸಿಕೊಳ್ಳಲು ಒಂದು ವಿಶಿಷ್ಟ ವೇದಿಕೆಯಾಗಿದೆ.