BBMP ಹಾಗಲಿದೆ ಗ್ರೇಟರ್‌ ಬೆಂಗಳೂರು
ಮೇಯರ್‌ ಅಧಿಕಾರ ಅವಧಿ ಎರಡುವರೆ ವರ್ಷ
198 ವಾರ್ಡ್‌ ಆಗಲಿವೆ 250
ಬೆಂಗಳೂರು ;- ಬಿಬಿಎಂಪಿ ಇನ್ನು ಮುಂದೆ ಗ್ರೇಟರ್‌ ಬೆಂಗಳೂರಾಗಿ ಬದಲಾಗಲಿದೆ.198 ವಾರ್ಡ್‌ ಇದ್ದ ಬಿಬಿಎಂಪಿ 250 ವಾರ್ಡ್‌ ಗಳ ಹೆಚ್ಚಳಕ್ಕೆ ತೀರ್ಮಾನ ಮಾಡಲಾಗಿದೆ ಎಂದು ಬಿಬಿಎಂಪಿ ಕಾಯ್ದೆ ಪರಿಶೀಲನಾ ಸಮಿತಿ ಅಧ್ಯಕ್ಷ ರಘು ತಿಳಿಸಿದ್ದಾರೆ.
ವಿಧಾನ ಸೌಧ ದಲ್ಲಿ ಮಾದ್ಯಮಗಳೊಂದಿಗೆ ಮಾತನಾಡಿದ ಅವರು ಬಿಬಿಎಂಪಿಗೆ ಹೊಸದಾಗಿ 52 ವಾರ್ಡ್‌ಗಳನ್ನು ಸೇರಿಸಲು ಶಿಫಾರಸು ಮಾಡಲಾಗಿದೆ. ಈ ಸಂಬಂಧ ವಿಧೇಯಕವನ್ನು ಸದನದಲ್ಲಿ ಮಂಡಿಸಲಾಗಿದೆ,
250 ವಾರ್ಡ್‌ ಆದ ಬಳಿಕ ಬಿಬಿಎಂಪಿ ಗ್ರೇಟರ್‌ ಬೆಂಗಳೂರಾಗಿ ಆಗಿ ಬದಲಾಗಲಿದೆ ಮೇಯರ್‌ ಅಧಿಕಾರಾವಧಿ ಒಂದು ವರ್ಷ ದಿಂದ ಎರಡೂ ವರೆ ವರ್ಷಕ್ಕೆ ಏರಿಕೆಯಾಗಲಿದೆ ಹಾಗೂ ಆಯುಕ್ತರಿಗಿರುವ ಅಧಿಕಾರವನ್ನು ಜಂಟಿ ಆಯುಕ್ತರಿಗೆ ನೀಡಲು ತೀರ್ಮಾನ ಮಾಡಲಾಗಿದೆ ಎಂದರು.
12 ಸ್ಥಾಯಿ ಸಮಿತಿಗಳ ಬದಲಾಗಿ 8 ಸ್ಥಾಯಿ ಸಮಿತಿಗಳನ್ನು ಮಾಡಲು ತೀರ್ಮಾನಿಸಲಾಗಿದೆ. ಯಾವುದೇ ಹೊಸ ಪ್ರದೇಶಗಳನ್ನು ಸೇರಿಸದೆ, ಈಗಿರುವ ಬಿಬಿಎಂಪಿ ವಿಸ್ತೀರ್ಣದಲ್ಲೇ ವಾರ್ಡ್‌ ಗಳನ್ನು ವಿಂಗಡಣೆ ಮಾಡಲಾಗುವುದು, ಬಿಬಿಎಂಪಿ ಚುನಾವಣೆ ಮುಂದೂಡುವ ಯಾವ ಉದ್ದೇಶ ನಮ್ಮ ಮುಂದೆ ಇಲ್ಲ ಎಂದು ತಿಳಿಸಿದರು.
