ಭಾರತದಲ್ಲಿ ಪ್ರಮುಖ ಆರೋಗ್ಯ ಸಮಸ್ಯೆಯಾಗಿ ಹೊರಹೊಮ್ಮುತ್ತಿರುವ ದೀರ್ಘಕಾಲೀನ ನೋವು
– ಆದಾಗ್ಯೂ ವಿಶ್ವಾಸ ಮೂಡಿಸಿರುವ ಇನ್‍ವೇಸಿವ್ ವಿಧಾನಗಳು
ಬೆಂಗಳೂರು, ಸೆಪ್ಟಂಬರ್ 15, 2021: ಮೂರು ತಿಂಗಳಿಗಿಂತ ಹೆಚ್ಚು ಕಾಲ ಇರುವ ಯಾವುದೇ ನಿರಂತರ ನೋವನ್ನು ದೀರ್ಘಕಾಲದ ನೋವು ಎಂದು ವ್ಯಾಖ್ಯಾನಿಸಲಾಗಿದೆ. ಇದು ಮುಂಬರುವ ವರ್ಷಗಳಲ್ಲಿ ಭಾರತದಲ್ಲಿ ಸಾಮಾಜಿಕ ಮತ್ತು ಆರೋಗ್ಯ ಮೂಲಸೌಕರ್ಯದ ಮೇಲೆ ಭಾರತೀ ನಷ್ಟವನ್ನು ಉಂಟು ಮಾಡುವ ನಿಟ್ಟಿನಲ್ಲಿ ಅತಿ ಕ್ಷಿಪ್ರಗತಿಯಲ್ಲಿ ಒಂದು ದೊಡ್ಡ ಆರೋಗ್ಯ ಸವಾಲಾಗಿ ಹೊರಹೊಮ್ಮುತ್ತಿದೆ
. ಈ ಮುನ್ಸೂಚನೆಯನ್ನು ಕಡಿಮೆ ಆಕ್ರಮಣಕಾರಿ ತಂತ್ರಗಳೊಂದಿಗೆ ಅತ್ಯಾಧುನಿಕ ರೀತಿಯಲ್ಲಿ ಬೆನ್ನೆಲುಬು ಆರೈಕೆ ಮತ್ತು ದೀರ್ಘಕಾಲದ ನೋವು ನಿರ್ವಹಣೆಯನ್ನು ಒದಗಿಸುವ ವಿಶೇಷ ಕೇಂದ್ರಗಳ ಸರಪಳಿ ಸಂಸ್ಥೆಯಾಗಿರುವ ಇಂಟರ್‍ವೆನ್ಷನಲ್ ಪೇಯ್ನ್ ಅಂಡ್ ಸ್ಪೈನ್ ಸೆಂಟರ್ (ಐಪಿಎಸ್‍ಸಿ)ಯ ನೋವು ತಜ್ಞರು ನೀಡಿದ್ದಾರೆ.
ಭಾರತದಲ್ಲಿ ವಯಸ್ಕ ಜನಸಂಖ್ಯೆಯ ಶೇ.19 ಕ್ಕಿಂತಲೂ ಹೆಚ್ಚಿನವರು ಇಂದು ಕೆಲವು ರೀತಿಯ ದೀರ್ಘಕಾಲದ ನೋವಿನಿಂದ ಬಳಲುತ್ತಿದ್ದಾರೆ. ಮಹಿಳೆಯರಲ್ಲಿ ಈ ಪ್ರಮಾಣ ಹೆಚ್ಚಾಗಿದೆ. ಅಂದರೆ, ಶೇ.25 ಕ್ಕಿಂತ ಹೆಚ್ಚಿನ ಮಹಿಳೆಯರು ಈ ದೀರ್ಘಕಾಲೀನ ನೋವಿನಿಂದ ಬಳಲುತ್ತಿದ್ದಾರೆ. ಸಮೀಕ್ಷೆಯೊಂದರ ಪ್ರಕಾರ 65 ವರ್ಷಕ್ಕಿಂತ ಮೇಲ್ಪಟ್ಟವರ ಸಂಖ್ಯೆ ಹೆಚ್ಚಾಗಿದೆ. ಇದು ಟಿಪ್ ಆಫ್ ದಿ ಐಸ್‍ಬರ್ಗ್ ಆಗಿರಬಹುದು. ಏಕೆಂದರೆ, ಭಾರತೀಯರು ಸಾಮಾನ್ಯವಾಗಿ ತಮ್ಮ ಆರೋಗ್ಯ ಸಮಸ್ಯೆಗಳನ್ನು ನಿರ್ಲಕ್ಷ್ಯ ಮಾಡುತ್ತಾರೆ ಮತ್ತು ಅವರಿಗಾಗಿರುವ ನೋವಿನ ಸಮಸ್ಯೆಗಳನ್ನು ಇತರರ ಬಳಿ ಹೇಳಿಕೊಳ್ಳುವುದಿಲ್ಲ.
ಈ ಬಗ್ಗೆ ಮಾತನಾಡಿದ ಐಪಿಎಸ್‍ಸಿ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಡಾ.(ಮೇಜರ್) ಪಂಕಜ್ ಎನ್ ಸುರಾಂಗೆ ಅವರು, “ಮುಂದಿನ ಎರಡು ದಶಕಗಳಲ್ಲಿ ದೀರ್ಘಕಾಲೀನ ನೋವು ದೊಡ್ಡ ಸಾಮಾಜಿಕ ಮತ್ತು ಆರ್ಥಿಕ ನಷ್ಟವನ್ನು ತೆಗೆದುಕೊಳ್ಳುತ್ತದೆ ಹಾಗೂ ಶಸ್ತ್ರಚಿಕಿತ್ಸೆ ಮತ್ತು ಆಸ್ಪತ್ರೆಗೆ ದಾಖಲು ಮಾಡುವಲ್ಲಿ ಗಮನಾರ್ಹವಾದ ವೆಚ್ಚವಾಗುತ್ತದೆ. ಇದು ಕೆಲಸದ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ. ದೀರ್ಘಕಾಲೀನ ನೋವು, ವಿಶೇಷವಾಗಿ ಕಡಿಮೆ ಬೆನ್ನುನೋವಿಗೆ ಸಂಬಂಧಿಸಿದ ಕೆಲಸದ ದಿನಗಳ ನಷ್ಟವನ್ನು ಹೆಚ್ಚಿಸುತ್ತದೆ. ಇದು ಒಬ್ಬರ ಸಾಮಾಜಿಕ ಜೀವನ, ದೈನಂದಿನ ವಾಕ್ ಅಥವಾ ವ್ಯಾಯಾಮ, ತನ್ನನ್ನು ಮತ್ತು ಕುಟುಂಬವನ್ನು ನೋಡಿಕೊಳ್ಳುವುದು ಮತ್ತು ಸ್ವತಂತ್ರ ಜೀವನಶೈಲಿಯೊಂದಿಗೆ ಹಸ್ತಕ್ಷೇಪ ಮಾಡುತ್ತದೆ. ಅನೇಕ ರೋಗಿಗಳು ಖಿನ್ನತೆ, ಆತಂಕ ಮತ್ತು ನಿದ್ರೆಯ ಸಮಸ್ಯೆಯಿಂದ ಬಳಲುತ್ತಿದ್ದಾರೆ.
ದೀರ್ಘಕಾಲೀನ ನೋವು ಪ್ರತ್ಯೇಕವಾಗಿ ಸಂಭವಿಸುವುದಿಲ್ಲ. ಇದರ ಹಿಂದೆ ಸಾಮಾನ್ಯವಾಗಿ ವಿವಿಧ ಮಾನಸಿಕ ಮತ್ತು ದೈಹಿಕ ಆರೋಗ್ಯ ಸಮಸ್ಯೆಗಳಿರುತ್ತವೆ’’ ಎಂದರು.
ಭಾರತದಲ್ಲಿ ದೀರ್ಘಕಾಲದ ನೋವು ಪ್ರಕರಣಗಳು ಹೆಚ್ಚುತ್ತಿರುವ ಬಗ್ಗೆ ಮಾತನಾಡಿದ ಡಾ.(ಮೇಜರ್) ಪಂಕಜ್ ಎನ್ ಸುರಾಂಗೆ ಅವರು, “ಹೆಚ್ಚುತ್ತಿರುವ ಜೀವಿತಾವಧಿಯಿಂದಾಗಿ ಸಮಾಜದಲ್ಲಿ ವಯಸ್ಸಾದವರ ಸಂಖ್ಯೆಯಲ್ಲಿ ಕ್ರಮೇಣ ಏರಿಕೆಯಾಗಿದೆ. ಇದು ದೀರ್ಘಕಾಲದ ನೋವಿನ ಹೆಚ್ಚಳಕ್ಕೂ ಕಾರಣವಾಗುತ್ತಿದೆ. ಪ್ರಮುಖವಾಗಿ ಜಡ ಮತ್ತು ದೈಹಿಕವಾಗಿ ನಿಷ್ಕ್ರಿಯ ಜೀವನಶೈಲಿಯನ್ನು ರೂಢಿಸಿಕೊಂಡ ಕಾರಣದಿಂದಾಗಿ ಯುವ ಜನಸಂಖ್ಯೆಯ ಮೇಲೆಯೂ ಸಹ ಇದರ ಪರಿಣಾಮ ಬೀರುತ್ತಿದೆ. ಜನರು ಎದುರಿಸುತ್ತಿರುವ ದೀರ್ಘಕಾಲದ ನೋವಿನ ಸಾಮಾನ್ಯವಾದ ವಿಧವೆಂದರೆ ಬೆನ್ನು ನೋವು, ಕೀಲು ನೋವು ಮತ್ತು ಮೈಗ್ರೇನ್. ಆರ್ಥಿರಿಟೀಸ್ ಅಂದರೆ ಸಂಧಿವಾತ, ಬೆನ್ನು ಮೂಳೆಯ ಕ್ಷೀಣಗೊಳ್ಳುವ ಪರಿಸ್ಥಿತಿಗಳು ಹಾಗೂ ಕ್ಯಾನ್ಸರ್ ದೀರ್ಘಕಾಲದ ನೋವಿಗೆ ಸಾಮಾನ್ಯ ಕಾರಣವಾಗಿದೆ’’ ಎಂದು ಹೇಳಿದರು.
ಇಂಟರ್‍ವೆನ್ಷನಲ್ ಸ್ಪೈನ್ & ಕ್ಯಾನ್ಸರ್ ಪೇಯ್ನ್, ಐಪಿಎಸ್‍ಸಿ ಇಂಡಿಯಾದ ಕನ್ಸಲ್ಟೆಂಟ್ ಡಾ.ಸ್ವಾತಿ ಭಟ್ ಅವರು ಮಾತನಾಡಿ, “ಪಾಶ್ಚಿಮಾತ್ಯ ದೇಶಗಳಲ್ಲಿ, ಕಳೆದ ಮೂರರಿಂದ ನಾಲ್ಕು ದಶಕಗಳಿಂದ ನೋವು ನಿವಾರಕ ಔಷಧವು ಒಂದು ಸೂಪರ್ ಸ್ಪೆಷಾಲಿಟಿಯಾಗಿದೆ. ಭಾರತದಲ್ಲಿ ಇದು ಕೇವಲ 15-20 ವರ್ಷಗಳಷ್ಟು ಹಳೆಯದು. ದೇಶದ ಹಲವಾರು ಆಸ್ಪತ್ರೆಗಳು ಈಗ ನಿರ್ವಹಣೆಯನ್ನು ಪ್ರತ್ಯೇಕ ವಿಭಾಗವಾಗಿ ಪರಿಗಣಿಸುತ್ತಿವೆ. ಐದು ವರ್ಷಗಳ ಹಿಂದಿನವರೆಗೂ ಪಾಶ್ಚಾತ್ಯ ರಾಷ್ಟ್ರಗಳ ಶಿಷ್ಠಾಚಾರಗಳನ್ನು ದೀರ್ಘಕಾಲದ ನೋವಿನ ಭಾರತೀಯ ರೋಗಿಗಳ ನೋವು ನಿವಾರಣೆಗೆ ಬಳಸಲಾಗುತ್ತಿತ್ತು. ಆದಾಗ್ಯೂ, ಈಗ ಉತ್ತಮ ಫಲಿತಾಂಶಗಳಿಂದಾಗಿ ಭಾರತದಲ್ಲಿ ನಿರ್ದಿಷ್ಟವಾದ ಚಿಕಿತ್ಸಾ ಶಿಷ್ಠಾಚಾರಗಳನ್ನು ಅಭಿವೃದ್ಧಿಪಡಿಸಲಾಗಿದೆ’’ ಎಂದರು.
ಐಪಿಎಸ್‍ಸಿ ಇಂಡಿಯಾದ ಸೀನಿಯರ್ ಕನ್ಸಲ್ಟೆಂಟ್ ಡಾ.ಓಂಪ್ರಕಾಶ್ ಗುಪ್ತಾ ಅವರು ಮಾತನಾಡಿ, “
ಇಂಟರ್‍ವೆನ್ಷನಲ್ ನೋವು ನಿರ್ವಹಣೆಯಲ್ಲಿ ಬೆನ್ನು ನೋವು, ಸ್ಲಿಪ್ಡ್ ಡಿಸ್ಕ್, ಡಿಸ್ಕ್ ಬಲ್ಜ್, ಸಿಯಾಟಿಕಾ ಇತ್ಯಾದಿಗಳಿಂದ ಬಳಲುತ್ತಿರುವ ರೋಗಿಗಳಿಗೆ ಕಡಿಮೆ ಆಕ್ರಮಣಾಕಾರಿ ಚಿಕಿತ್ಸೆ ನೀಡಲಾಗುತ್ತದೆ. ಓಝೋನ್ ಡಿಸೆಕ್ಟಮಿ, ಪೆಕ್ರ್ಯುಟೇನಿಯಸ್ ಡಿಸ್ಕ್ ಡಿ-ಕಂಪ್ರೆಶನ್ ಮತ್ತು ಎಂಡೋಸ್ಕೋಪಿಕ್ ಡಿಸೆಕ್ಟಮಿ ಮುಂತಾದ ತಂತ್ರಗಳು ಡಿಸ್ಕ್‍ನ ಹರ್ನಿಯೇಟೆಡ್ ಭಾಗವನ್ನು ಭಾಗವನ್ನು ತೆಗೆದುಹಾಕಲು ಸಣ್ಣ ವ್ಯಾಪ್ತಿಯನ್ನು ಸೇರಿಸಲಾಗುತ್ತದೆ. ಕೀಲುಗಳ ಸಂಧಿವಾತದಿಂದ ಬಳಲುತ್ತಿರುವ ರೋಗಿಗಳು ತಮ್ಮ ಪ್ರಗತಿಯನ್ನು ತಡೆಯಲು ತಮ್ಮ ಆರಂಭಿಕ ಹಂತಗಳಲ್ಲಿ ಪುನರುತ್ಪಾದಕ ಮಧ್ಯಸ್ಥಿಕೆಗಳನ್ನು ನಿರ್ವಹಿಸುತ್ತಾರೆ. ಮೊಣಕಾಲು, ಭುಜ, ಸೊಂಟ ಮತ್ತು ಬೆನ್ನು ಮೂಳೆಯ ಕೀಲುಗಳ ಮುಂದುವರಿದ ಸಂಧಿವಾತದಲ್ಲಿನ ನೋವನ್ನು ರೇಡಿಯೋಫ್ರೀಕ್ವೆನ್ಸಿ ವಿಧಾನಗಳಿಂದ ನಿರ್ವಹಣೆ ಮಾಡಲಾಗುತ್ತದೆ. ನರ ನೋವು ಮತ್ತು ನರರೋಗ ನೋವು ಸೇರಿದಂತೆ ನರಗಳ ನೋವನ್ನು ಔಷಧಿ ಮತ್ತು ನ್ಯೂರೋಲೈಟಿಕ್ ವಿಧಾನಗಳಿಂದ ನಿರ್ವಹಣೆ ಮಾಡಲಾಗುತ್ತದೆ. ಈ ಎಲ್ಲಾ ಪ್ರಕ್ರಿಯೆಗಳನ್ನು ಸ್ಥಳೀಯ ಅರಿವಳಿಕೆ ಅಡಿಯಲ್ಲಿ ಮಾಡಲಾಗುತ್ತದೆ ಮತ್ತು ರೋಗಿಗಳನ್ನು ಅದೇ ದಿನ ಬಿಡುಗಡೆ ಮಾಡಲಾಗುತ್ತದೆ’’ ಎಂದು ತಿಳಿಸಿದರು.
