ನೀರಿನಲ್ಲಿ ಕೊಚ್ಚಿ ಹೋದ. ವ್ಯಕ್ತಿಯ ಶವವಾಗಿ ಪತ್ತೆ .
ಪಾವಗಡ. ತಾಲೂಕಿನಾದ್ಯಂತ ಸುರಿಯುತ್ತಿರುವ ಮಳೆಯಿಂದಾಗಿ ಕೆರೆ ಕುಂಟೆ ಕಾಲವೆಗಳು ತುಂಬಿ ಹರಿಯುತ್ತಿದ್ದು.
ಭಾನುವಾರ ಪಳವಳ್ಳಿ ಕೆರೆ ಬಳಿ ವ್ಯಕ್ತಿಯೊಬ್ಬ ಆಯಾ ತಪ್ಪಿ ಹಳ್ಳಕ್ಕೆ ಬಿದ್ದು ಕೊಚ್ಚಿ ಹೋದ ಘಟನೆ ನಡೆದಿತ್ತು. ತಾಲೂಕಿನ ಕೆಂಚಗಾನಹಳ್ಳಿ ಗಂಗಾಧರ್( 40) ಹಳ್ಳದಲ್ಲಿ ಕೊಚ್ಚಿ ಹೋದ ದುರ್ದೈವಿ.
ವಿಷಯ ತಿಳಿದ ನಂತರ ತಾಲೂಕಿನ ಅಗ್ನಿ ಶಾಮಕ ದಳದ ಸಿಬ್ಬಂದಿ, ಪೊಲೀಸರು, ಕಂದಾಯ ಇಲಾಖೆ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿದ್ದು , ಕತ್ತಲಾದ್ದರಿಂದ ಶೋಧನಾಕಾರ್ಯ ಮುಂದುವರಿಸಲಾಗಲಿಲ್ಲ.
ಸೋಮವಾರ ಮತ್ತೆ ಜಿಲ್ಲಾ ಅಗ್ನಿಶಾಮಕ ದಳದವರು ಬೋಟ್ ಮುಖಾಂತರ ಕಾರ್ಯಚರಣೆ ನಡೆಸಿದರೂ ಶವ ಪತ್ತೆಯಾಗಿರಲಿಲ್ಲ ಮಂಗಳವಾರ ಬೆಳಿಗ್ಗೆ ಕೊಚ್ಚಿ ಹೋದ ಗಂಗಾಧರ ಶವವು ಪಳವಳ್ಳಿ ಕೆರೆ ಗೆ ಅರ್ಧ ಕಿಲೋ ಮೀಟರ್ ದೂರದಷ್ಟು ಇರುವ ಹಳ್ಳದ ಜಾಲಿ ಮರದ ಬುಡದಲ್ಲಿರುವುದನು ಕಂಡ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದು. ಜಿಲ್ಲಾ ಮತ್ತು ತಾಲೂಕು ಅಗ್ನಿಶಾಮಕ ದಳದ ಸಿಬ್ಬಂದಿ, ಕಂದಾಧಿಕಾರಿಗಳು, ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಶವವನ್ನು ಹೊರೆ ತೆಗೆದಿದ್ದಾರೆ
ಸ್ಥಳಕ್ಕೆ ಆಗಮಿಸಿದ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿತ್ತು.
