ಮಾದರಿಯಾದ ಪಾವಗಡ ಕಿಚ್ಚ ಸುದೀಪ್ ಸೇನೆ..
ಪಾವಗಡ: ಕನ್ನಡ ಚಿತ್ರ ರಂಗದ ದೃವ ತಾರೆ, ರಾಜ್ಯ, ರಾಷ್ಟ್ರ ಮಟ್ಟದ ಬಹು ಬೇಡಿಕೆ ನಟ ಕಿಚ್ಚ ಸುದೀಪ್ ಅವರ 47 ನೇ ವರ್ಷದ ಹುಟ್ಟು ಹಬ್ಬವನ್ನ ಪಾವಗಡ ತಾಲ್ಲೂಕು ಕಿಚ್ಚ ಸುದೀಪ್ ಸೇನೆ ವತಿಯಿಂದ ಸರಳ ಹಾಗೂ ಮಾದರಿಯಾಗಿ ಆಚರಿಸಲಾಯಿತು.
ಈ ಹಿಂದೆ ಉತ್ತರ ಕರ್ನಾಟಕದ ಪ್ರವಾಹ ಪೀಡಿತರಿಗೆ ಪಾವಗಡ ಸುದೀಪ್ ಸೇನೆ ವತಿಯಿಂದ ಆಹಾರದ ದಿನಸಿ, ಬಟ್ಟೆಗಳನ್ನ ನೀಡುವ ಮೂಲಕ ಗಮನಸೆಳೆದಿದ್ದ ಯುವಕರು.ನಂತರ ಅನಾಥರಿಗೆ ಅನ್ನ ನೀರು, ವೃದ್ಧರಿಗೆ ಆಸರೆಯ ಸಾಮಾಗ್ರಿ ನೀಡುವ ನಾನಾ ರೀತಿಯ ಸಮಾಜ ಮುಖಿ ಕೆಲಸಗಳನ್ನು ಸುದೀಪ್ ಸೇನೆ ವತಿಯಿಂದ ಮಾಡಲಾಗಿತ್ತು.
ಇಂದು ಕೂಡ ನಟ ಸುದೀಪ್ ಅವರ ಜನ್ಮ ದಿನದ ಹಿನ್ನೆಲೆ ಪಾವಗಡ ಪಟ್ಟಣದ ಹೊರವಲಯದ. ಶ್ರೀ ಸಾಯಿ ಲಿಲಿತ ವೃದ್ದಾಶ್ರಮದಲ್ಲಿ ನೂರಾರು ವೃದ್ಧರಿಗೆ ಹಾಲು ಹಣ್ಣು, ಬೆಡ್ ಮತ್ತು ಮಾಸ್ಕ್ ಗಳನ್ನು ವಿತರಿಸುವ ಮೂಲಕ ಅನ್ಯರಿಗೆ ಪ್ರೇರಣೆಯಾದರು.
ಇದೇ ವೇಳೆ ಕರಿಯಮ್ಮನಪಾಳ್ಯ ಅಭಿಮಾನಿ ಓಂಕಾರ್ ನಾಯಕ ಸುಮಾರು 400 ಕೊರೊನಾ ನಿಯಂತ್ರಣ ಮಾಸ್ಕ್ ಗಳನ್ನ ವಿತರಿಸಿದರು.
ಈ ಸಂದರ್ಭದಲ್ಲಿ ಪಾವಗಡ ತಾಲ್ಲೂಕಿನ ಸುದೀಪ್ ಸೇನೆ ಬಳಗದ ಎಲ್ಲಾ ಸದಸ್ಯರು ಪಾಲ್ಗೊಂಡಿದ್ದರು.
ವರದಿ: ನವೀನ್* *ಕಿಲಾರ್ಲಹಳ್ಳಿ*
