ಪಾವಗಡ: ಪಾವಗಡ ತಾಲ್ಲೂಕಿನ ನಿಡಗಲ್ ಹೋಬಳಿಯ ಉದ್ದಗಟ್ಟೆ ಗ್ರಾಮದಲ್ಲಿ ಎರಡು ಹುಲ್ಲು ಬಣವೆಗಳಿಗೆ ಬೆಂಕಿ ತಗುಲಿ ಸರ್ವನಾಶವಾದ ಘಟನೆ ಶುಕ್ರವಾರ ಮುಸ್ಸಂಜೆ ನಡೆದಿದೆ.
ಉದ್ದಗಟ್ಟೆ ಗ್ರಾಮದ ರೈತ ರಂಗನಾಯಕ ಎಂಬುವರಿಗೆ ಸೇರಿದ್ದ ಈ ಬಣವೆಗಳು ಎಂದು ತಿಳಿದು ಬಂದಿದೆ.
ಶುಕ್ರವಾರ ಸಂಜೆ ನಡೆದ ಈ ದುರ್ಘಟನೆಯಲ್ಲಿ ಅಧಿಕ ಮೌಲ್ಯದ ಬಣವೆಗಳು ಅಗ್ನಿಗೆ ಆಹುತಿಯಾಗಿ ಅತೀವ ದುಖದ ಜೊತೆಗೆ ಅಪಾರ ನಷ್ಟವಾಗಿದೆ ಎಂದು ನೊಂದ ರೈತ ಕುಟುಂಬಸ್ಥರು ಅಳಲನ್ನು ಹೊರ ಹಾಕಿದ್ದಾರೆ.
ಕೊರೊನಾ ಭಯ ಒಂದೆಡೆಯಾದ್ರೆ ಮತ್ತೊಂದೆಡೆ ಬೆಳೆ ನಷ್ಟದ ಸಂಕಷ್ಟದ ನಡುವೆಯೂ ಮೂಕ ಪ್ರಾಣಿಗಳಿಗೆ ಆಹಾರವಾಗಿದ್ದ ಈ ಎರಡು ಹುಲ್ಲು ಬಣವೆಗಳು ಸುಟ್ಟು ಬೂದಿಯಾಗಿರುವ ಘಟನೆ ರೈತ ಕುಟುಂಬದಲ್ಲಿ ತುಂಬಾನೇ ನೋವು ತಂದಿದೆ. ಆಗಾಗಿ ಸಂಬಂಧಿಸಿದ ಆಡಳಿತ ವರ್ಗ ಇತ್ತ ಕಡೆ ಗಮನಹರಿಸಿ ನೊಂದವರಿಗೆ ಪರಿಹಾರ ಕಲ್ಪಿಸೋ ಅನಿವಾರ್ಯತೆಯಿದೆ.
ವರದಿ: ನವೀನ್ ಕಿಲಾರ್ಲಹಳ್ಳಿ
